Prokuroria e Sarandës ka dërguar për gjykim kryeinspektorin dhe disa inspektorë të Inspektoriati Vendor i Mbrojtjes së Territorit, të akuzuar për shpërdorim detyre, pasi dyshohet se kanë lejuar kryerjen e ndërtimeve pa leje në një zonë të mbrojtur në Butrint.
Sipas hetimeve në kuadër të procedimit penal nr. 416 të vitit 2023, në zonën e Ksamilit, në vendin e njohur si “Kanali i Vivarit”, janë kryer ndërtime në një sipërfaqe të konsiderueshme pa leje ndërtimi nga Agjencia e Zhvillimit të Territorit dhe pa kontratë me Agjencia Kombëtare e Bregdetit.
Kanali i Vivarit bën pjesë në Parku Kombëtar Butrint dhe gëzon statusin Monument Natyre, sipas Vendimit nr. 303, datë 10.05.2019 për miratimin e listës së rishikuar të monumenteve të natyrës shqiptare, të përditësuar dhe të ndryshuar me VKM nr. 187, datë 25.03.2021.
Prokuroria konstaton se nga ana e punonjësve të IVMT të Bashkisë nuk është ndjekur procedura ligjore për konstatimin e plotë të punimeve dhe nuk është marrë masa administrative e parashikuar, përfshirë vendosjen e gjobës.
Ndaj të pandehurve rëndojnë akuzat për shpërdorim detyre dhe ndërtim të paligjshëm, ndërsa në gjyq janë dërguar edhe personat që kanë kryer ndërtimet në zonën e mbrojtur.
