13 mijë prona të shkatërruara, qytete që nuk janë më dhe aeroporti për tu rindërtuar.
Këto janë vetëm disa nga pasojat e stuhisë Dorian në Bahamas, atje ku banorët kërkojnë dëshpërimisht ndihmë.
Shtete, individë dhe organizata bamirëse nuk kanë qëndruar duarkryq, përfshi këtu trupta e “US Marines” dhe “Royal Air Force”.
Të panjohur dhe të famshëm janë bërë bashkë për grumbullimin e ndihmave duke filluar nga ushqimet, veshëmbathjet, shumat financiare dhe në infrastrukturë.
Kështu producenti televiziv dhe aktori Tyler Perry, njoftoi se do të mbërrijë në Bahamas për të ndihmuar me gjithcka mundet, banorët vendas.
Këngëtari i muzikës rep dhe aktori Ludacris grumbulloi më shumë 100,000 dollarë nga eventi që realizoi në fundjavën kushtuar ditës së punëtorëve.
Ndërkohë një qytetar i cili kërkoi të mbetej anonim në Xheksonvill të Floridas, shpenzoi 50 mijë dollarë për blerjen e 100 gjeneratorëve.
