Shqipëria është e fokusuar në transfertën pariziene dhe nuk ka ndërmend të bëjë kompromis.
Ky ishte theksi i kapitenit Mavraj përpara medias transalpine në kryeqytetin francez.
Mërgim Mavraj shprehet se mungesat e vendasve nuk janë aspak lajm i mirë, pasi kampionët e Botës kanë zgjedhje të shumta në kombëtaren e tyre.
Sfida për Shqipërinë, sipas qendërmbrojtësit të SpVgg Greuther Fürth do të jetë delikate, por kuqezinjtë kanë treguar se janë në gjëndje t’ju hapin probleme të gjithëve.
Mes Francës dhe Islandës, Mavraj nuk shpërqendrohet, por e pranon se 3 pikët janë më të mundshme ndaj nordikëve.
Por kjo nuk do të thotë se ndaj vendasve në “Stade de Francë”, miqtë janë për turizëm.
Kapiteni ka veçuar formën e lartë sportive të kuqezinjve, ku sejcili prej tyre do të japë maksimumin, pavarësisht nëse luan në Paris apo në Elbasan.
