Sezon i ri, sulme të reja mes palëve politike.
Kryetari demokrat Lulzim Basha, akuzoi kryeministrin Rama, se nuk e mbajti premtimin elektoral të 2013-ës, për 300 mijë vende pune.
Sipas Bashës, numri 1 i qeverisë, ja doli të largojë 300 mijë shqiptarë nga vendi.
“Duke cuar krizën ekonomike, tej cdo imagjinate, qeveria ju ka hequr përfundimisht shpresën të rinjve për një të ardhme në Shqipëri, cilësoi Basha në deklaratën e tij – “Premtoi 300 mijë vende pune, por i përzuri nga Shqipëria më shumë se 300 mijë shqiptarë.
Miliarda euro janë vjedhur, abuzuar dhe shpërdoruar nga Hajduti Psiqik këto 6 vjet, të gjitha kanë përfunduar në xhepat e Edi Ramës dhe klientëve të tij ose janë shpërdoruar për tekat e tij në fasada dhe lluks.
Shqiptarët janë pa punë sepse ekonominë dhe mundësitë ekonomike i kanë marrë oligarkët dhe klientët e Edi Ramës.
Që të hapim vende pune dhe mundësi për njerëzit, duhet të largojmë bandën e grabitqarëve dhe Hajdutin Psiqik”.
