Një ngjarje e rëndë u regjistrua paraditen e sotme në fshatin Shalë të Memaliajt.
Arjan Shahaj, 35 vjeç, qëlloi me sëpatë në kokë babanë e tij 77-vjeçar, Iljaz Shahajn, duke i marrë jetën.
I riu njihej si një person i dhunshëm dhe me probleme të shëndetit mendor.
Babë e bir ishin nisur me bagëti dhe pas një konflikti për motive ende të panjohura, i riu qëllon me sëpatë 77-vjeçarin, shkruan “Faxweb”
Më pas 35-vjeçari është kthyer në banesë, ka hedhur celularin në një kovë me ujë dhe pasi ka marrë disa rroba, është larguar nga shtëpia.
Policia ndërkohë është vënë në kërkim të tij, por ende nuk ka mundur ta arrestojë.
Autori i vrasjes së sotme kishte pasur probleme edhe në të shkuarën me drejtësinë, pasi plagosi një bashkëfshatar, vepër kjo për të cilën ai u dënua me 8 vjet burg.
