Shqipëria u vizitua nga nga 3.3 milionë turistë të huaj në 7 muajt e parë të vitit. Këto janë të dhënat më të fundit të publikuara nga INSTAT, në të cilat vërehet se ka një rritje të turistëve me 12.4%.
Sipas INSTAT, në vendin e parë qëndrojnë kosovarët. Në 7 muajt e parë të vitit, Shqipëria u vizitua nga 1 milionë e 57 mijë kosovarë me një rritje prej 13.7 për qind krahasuar me 7 mujorin e vitit të kaluar.
Në vend të dytë janë shtetasit nga Maqedonia e Veriut. Mbi 372 mijë turistë nga Maqedonia e Veriut që kanë vizituar Shqipërinë me një rritje prej 3.4 për qind vit me vit.
Më pas listohen grekët, malazezët, anglezët dhe italianët, hyrjet e të cilëve për këtë vit variojnë nga 159 mijë deri në 311 mijë pushues.
Shumica e vendeve që kanë fluksin më të madh të turistëve në Shqipëri janë ato me numrin më të madh të emigrantë e shqiptarë, por as të huajt nuk ngelen mbrapa.
Gjithmonë e më shumë tregohet se Shqipëria po bëhet një destinacion i preferuar për turistët e huaj, e ndërsa vetë shqiptarët duket sikur po “avullojnë”
Rritje të ndjeshme të numrit të turistëve të huaj që vijnë në Shqipëri kanë pësuar sidomos turistët gjerman dhe ata zviceran. Ndërsa uljen më të ndjeshme e ka pasur Polonia me 14,6 %.
Në shtatë muaj në vend numërohen në total rreth 3.3 mln të huaj të cilët kanë hyrë në Shqipëri kryesisht për të kaluar pushime.
