Një ngjarje tragjike ka tronditur komunitetin shqiptar në Zvicër.
Një 42-vjeçar, Ramiz Berisha nga komuna e Malishevës, ka qëlluar për vdekje bashkëshorten e tij 38-vjeçare dhe më pas i ka vënë flakën banesës.
Trupi i tij u gjet pa shenja jete nga zjarrfikësit në shtëpinë e përfshirë nga flakët.
Ngjarja ka ndodhur në fshatin Epagny të Zvicrës, ku çifti jetonte me katër fëmijët e tyre të mitur, të cilët nuk ndodheshin në banesë në momentin e krimit.
Dyshohet se përveç armës së zjarrit, Berisha ka përdorur edhe një granatë, duke ngritur dyshimet se gjithçka ishte e planifikuar.
Autori kishte një të kaluar problematike me bashkëshorten, e cila më herët kishte ngritur një padi për dhunë në familje ndaj tij.
Ai ishte liruar së fundmi nga burgu, pak para se të ndodhte ngjarja. Autoritetet zvicerane po vijojnë hetimet për të zbardhur plotësisht rrethanat e krimit.
