Një 49-vjeçar nga Egjipti, i kërkuar ndërkombëtarisht nga autoritetet italiane, është arrestuar në Durrës.
Ai akuzohet për krijimin e një organizate kriminale të përfshirë në trafikun e qenieve njerëzore.
Gjykata e Katanias në Itali kishte lëshuar një urdhër arresti ndaj tij për veprën penale “Trafikimi i qenieve njerëzore” në kuadër të organizatës kriminale. Ligji italian parashikon një dënim maksimal prej 20 vjetësh burg për këtë krim.
Operacioni, i koduar “Operacionalja 36”, u realizua falë bashkëpunimit të ngushtë mes Interpol Tiranës dhe Interpol Romës.
Pas arrestimit, autoritetet shqiptare po punojnë për finalizimin e procedurave të ekstradimit të 49-vjeçarit në Itali.
