Pak ditë më parë, regjisori Gjergj Xhuvani humbi jetën në një spital në Romë. Xhuvani ndërroi jetë në moshën 56-vjeçare, si pasojë e një sëmundjeje të rëndë, nga e cila vuante prej kohësh.
Mëngjesin e sotëm ka mbërritur në Rinas trupi i pajetë i regjisorit, i cili u nda nga jeta në datën 14 gusht në Romë të Italisë.
Po ashtu mësohet se Drejtoria e Burgjeve ka lëshuar leje për Kostandin Xhuvanin që të jetë i pranishëm në ceremoninë mortore të babait të tij. I riu kishte kërkuar lejë që ditën kur i ati i tij ndërroi jetë, por sot u konfirmua leja që ai të jetë i pranishëm në varrim, i shoqëruar nga efektivë të policisë.
Trupi i pajetë i regjisorit do të përcillet në banesën e fundit në orën 14:00. Ceremonia e varrimit do të jetë një ceremoni private ku të pranishëm do të jenë familjarët, të afërmit dhe miqtë e regjisorit të ndjerë.
