Familja e 33-vjeçarit Avelino Alikollari ka humbur kontaktet me të që nga orët e para të mëngjesit të djeshëm dhe është tepër e shqetësuar për fatin e tij.
Sipas motrës së tij, Avelino ka pasur bisedën e fundit me babain rreth orës 4 të mëngjesit, duke i thënë se do të kthehej shpejt, por që nga ai moment nuk është dëgjuar më.
Ai është parë për herë të fundit pranë shkollës “Bajram Curri” në Tiranë, por nuk ka asnjë gjurmë të mëtejshme për të.
Familjarët kanë bërë denoncim në polici, por u është komunikuar se duhet të kalojnë 24 orë për ta shpallur zyrtarisht të zhdukur.
Ata apelojnë për ndihmë dhe kërkojnë që kushdo që ka informacion të kontaktojë në numrin 0698270000.
