SPAK ka shtyrë për herë të tretë hetimet për ish-zëvendës kryeministrin Arben Ahmetaj, duke i dhënë një afat deri më 23 qershor për të përfunduar hetimet që kanë mbetur pezull.
Ahmetaj akuzohet për “Pastrim parash”, “fshehje pasurie” dhe “korrupsion pasiv”, ndërsa ndodhet në arrati që prej korrikut 2023.
Hetimet lidhen me përfshirjen e tij në çështjen e inceneratorëve, ku dyshohet se ka ndihmuar sipërmarrësit në lidhjen e kontratave koncensionare.
Po ashtu, janë kryer hetime pasurore ndaj tij dhe janë sekuestruar dy vila, disa apartamente dhe llogari bankare.
