Ish-kreu i Bandës së Durrësit, Lulzim Berisha, është vendosur në burgun e Durrësit pas ekstradimit nga Spanja më 18 mars, me kërkesë të SPAK-ut.
Berisha ishte arrestuar më 14 dhjetor 2023 në Spanjë, ku fshihej prej 15 muajsh duke përdorur një identitet bullgar.
Ai ishte shpallur në kërkim ndërkombëtar në vitin 2022 për përfshirjen në ngjarje kriminale, përfshirë vrasjet e Vajdin Lames dhe Klodian Saliut.
Sipas rrëfimit të bashkëpunëtorit të drejtësisë, Luftar Reçi, këto vrasje u kryen nga Plarent Dervishaj dhe Indrit Taullai me urdhër të Berishës.
Berisha, i konsideruar me rrezikshmëri të lartë shoqërore, ishte liruar me kusht nga burgu në vitin 2016, pesë vite para përfundimit të dënimit. Megjithatë, katër vite më vonë, SPAK e shpalli sërish në kërkim për përfshirje në krime të tjera.
Në tetor 2024, Gjykata e Posaçme pushoi çështjen ndaj tij dhe Plarent Dervishajt për vrasjen e biznesmenit Vajdin Lame, duke argumentuar mungesën e provave të mjaftueshme.
Kjo ishte hera e dytë që SPAK kërkonte mbylljen e çështjes, pas një rikthimi për hetime shtesë nga trupa gjykuese.
