Policia e Mirditës ka arrestuar një 15-vjeçar, pasi ka marrë informacione se ai po transportonte armë dhe municione luftarake.
Gjatë operacionit “Sinjali”, E.S., një 15-vjeçar nga Burreli, u kap në flagrancë në afërsi të fshatit Fang, duke transportuar tre granata, një armë zjarri kallashnikov dhe municion luftarak.
Operacioni u realizua pas informacioneve të marra nga inteligjenca policore, e cila sinjalizoi për transportimin e armëve dhe materialeve shpërthyese.
Policia e Mirditës, në bashkëpunim me Drejtorinë Vendore të Policisë Lezhë, ka finalizuar operacionin, ndërkohë që hetimet po vazhdojnë për të zbuluar qëllimin e transportimit dhe për të identifikuar individë të tjerë të mundshëm të përfshirë.
Materialet janë dorëzuar në Prokurorinë e Lezhës, e cila po kryen hetimet përkatëse.
