Kryetari i Partisë Demokratike, Sali Berisha, do të paraqitet sot në Prokurorinë e Posaçme në kuadër të masës së sigurisë “detyrim paraqitje.”
Partia Demokratike ka kërkuar mbështetje nga strukturat e saj, duke i ftuar anëtarët të jenë të pranishëm para selisë së SPAK në orën 09:30.
“Të dashur miq, nesër (e hënë) në orën 09:30, kryetari i PD, Prof. Dr. Sali Berisha, do të jetë sërish në dyert e SPAK. Ju lutemi të mobilizojmë strukturat për të qenë të gjithë aty. Faleminderit!”
Berisha e ka cilësuar vendimin për masën “detyrim paraqitje” si një “krim kushtetues,” duke akuzuar prokurorët e SPAK se po veprojnë me motive politike për shkak të kritikave të tij ndaj institucionit.
Ish-kryeministri u lirua më 27 nëntor 2024, pas gati një viti në arrest shtëpiak. Ai është marrë i pandehur për korrupsion pasiv.
