Presidentja e Kosovës, Vjosa Osmani, ka ushtruar të drejtën e votës në zgjedhjet parlamentare të Kosovës.
Ajo ka pritur rreth 20 minuta në radhë dhe ka qenë e shoqëruar nga bashkëshorti i saj, Prindon Sadriu.
Ajo theksoi se dita e sotme është vendimtare, pasi zgjedhjet do të përcaktojnë parlamentin e ri të Kosovës. Presidentja uroi suksese të gjithëve ata që po kandidojnë në zgjedhje.
“Faleminderit që pritët bashkë me mua, derisa më erdhi radha të votoj në këtë ditë të rëndësishme. Kosova është vendi më i zhvilluar në rajonin tonë. Është ditë vendimtare që të gjithë qytetarët të japin kontributin e tyre, duke marrë pjesë në një proces, nga i cili zgjidhet parlamenti dhe ka rëndësi në jetën e të gjithëve. Është ditë e mirë me diell, besoj është më e lehtë të votohet. I uroj suksese të gjithë atyre që kandidojnë në këto zgjedhje, shpresoj që e mbara t’i prijë Kosovës”, tha Osmani.
