Spak ka kërkuar dërgimin në gjykim të ish-kryetarit të Bashkisë Himarë, Jorgo Goro, i akuzuar për “Shpërdorim detyre” pas përfundimit të hetimeve në kuadër të procedimit penal nr. 127 të vitit 2024, i unifikuar me procedimin penal nr. 298 të vitit 2021.
Hetimi ka zbuluar se Jorgo Goro, në cilësinë e ish-kryetarit të Bashkisë Himarë, ka kryer veprime dhe mosveprime që përbëjnë mospërmbushje të detyrës, në kundërshtim me ligjin dhe aktet nënligjore, duke shkaktuar dëme për disa shtetas në Bashkinë Himarë.
Në bashkëpunim me shtetasit Jerasimo Bashi dhe Vasillaq Strakosha, ata kanë shkelur ligjin nr. 171/2014 dhe aktet e tjera për kalimin e tokës bujqësore në pronësi të përfituesve.
Prokuroria ka kërkuar dërgimin në gjyq të tre ish-drejtuesve të Bashkisë Himarë, të akuzuar për kryerjen e veprës penale të “Shpërdorimit të detyrës” në bashkëpunim, sipas nenit 248 dhe 25 të Kodit Penal. Akuzat janë të bazuara në fakte të paraqitura në procedimin penal nr. 298 të vitit 2021 dhe nr. 127 të vitit 2024.
