Mëngjesin e sotëm, në emisionin “Koha për t’u zgjuar”, eksperti i pensioneve Kujtim Hoxha analizoi prezantimin e djeshëm të kryeministrit Edi Rama, i cili sqaroi se nuk do të ketë një skemë të re pensionesh, por një reformë në atë ekzistuese.
Sipas Hoxhës, një nga ndryshimet kryesore është propozimi për heqjen e pensioneve të parakohshme. Po ashtu, reforma pritet të prekë edhe të vetëpunësuarit, duke parashikuar që ata të mos sigurohen më me pagën minimale.
“I ka ardhur koha që skema e sigurimeve shoqërore duhet të ndryshohet, janë hasur shumë problematika në zbatimin e atij ligji.
Një ndër reformat më të rëndësishme jo vetën të kësaj qeverie, por edhe atyre që do të vijnë. Trajtohet mbi 700 mijë pensionistë aktualisht, por prekin edhe shumë të tjerë që do të vijnë.
Nuk do të ketë më pensione të parakohshme, kjo ishte taksative. Iu mëshua faktit që duhet të ketë kujdes që të mos ketë paga minimale për të vetëpunësuarit. 165 mijë të vetëpunësuar do të sigurohen, në rast se ligji miratohet, me një pagë më të lartë se minimalja.
U hodh ideja që duhet të synohet që me ligjin e ri, të tregohet qendrueshmëri në financa, ndërkohë që prishmëritë e qytetarëve janë që nuk duhet kjo status quo që është aktualisht”, tha ai.
