Prokuroria e Posaçme kundër Korrupsionit dhe Krimit të Organizuar ka përfunduar hetimet paraprake për procedimin penal nr. 17 të vitit 2024 dhe ka dorëzuar në Gjykatën e Posaçme kërkesën për dërgimin në gjyq të tre të pandehurve të akuzuar për korrupsion.
Në bazë të hetimeve, rezulton se Afërdita Vidhi dhe Ardjan Kumanaku i kanë dhënë një shumë prej 2,000 eurosh Endri Ngresit, punonjës në ASHK Fier, për të siguruar pajisjen me dokumente legalizimi të një prone në Fier.
Të pandehurit dhe akuzat ndaj tyre:
Endri Ngresi, akuzohet për “Korrupsion pasiv i personave që ushtrojnë funksione publike”, sipas nenit 259/2 të Kodit Penal.
Ardjan Kumanaku, akuzohet për “Korrupsion aktiv i personave që ushtrojnë funksione publike”, kryer në bashkëpunim, sipas neneve 244/2 dhe 25 të Kodit Penal.
Afërdita Vidhi, akuzohet për “Korrupsion aktiv i personave që ushtrojnë funksione publike”, kryer në bashkëpunim, sipas neneve 244/2 dhe 25 të Kodit Penal.
Dosja është dorëzuar në Gjykatën e Posaçme, e cila do të vendosë për vijimin e procesit gjyqësor ndaj të pandehurve.
