Agim dhe Zabit Deda, vëllezërit e Hekuran Dedës, një prej viktimave të masakrës së 21 janarit, janë paraqitur sot në SPAK për të dhënë dëshmitë e tyre lidhur me ngjarjen e rëndë që ndodhi 14 vjet më parë.
Në atë ditë tragjike, gjatë protestës së opozitës në Bulevardin “Dëshmorët e Kombit”, humbën jetën katër qytetarë, Hekuran Deda, Ziver Veizi, Aleks Nika dhe Faik Myrtaj.
Hetimet për ngjarjen janë rihapur nga SPAK pas vendimit të Gjykatës së Strasburgut, e cila e cilësoi ngjarjen si “vrasje shtetërore”.
Prokuroria e Posaçme ka konfirmuar se aktet e çështjes, përfshirë vendimin e Gjykatës së Lartë, kanë mbërritur në SPAK në muajin korrik dhe hetimet po vazhdojnë për zbardhjen e kësaj tragjedie.
