Samiti i Davosit për turizmin u mbajt dje në Davos, me gazetarin e CNN, Richard Quest, që drejtoi sesionin.
Gjatë diskutimeve, Quest i bëri të qartë të ftuarve se nuk do të lejonte propagandë për turizmin në panelin e tij.
Ky qëndrim i gazetarit duket se ka prekur kryeministrin Rama, i cili shprehu habinë dhe kundërshtinë e tij duke pyetur Quest për kuptimin e fjalëve të tij.
Megjithatë, ky moment kritik nuk u përfshi në diskutimin që Rama shpërndau në rrjetet sociale. Në videon e publikuar nga kryeministri në Facebook, pjesa e diskutimit është prerë dhe nuk është përfshirë.
Videoja, që përmbledh vetëm 21 minuta nga 50 minutat e diskutimit të plotë, nuk jep arsye për ndërprerjen, por duket se mospëlqimi i fjalëve të Quest ka qenë shkak për këtë veprim.
