SPAK ka njoftuar pezullimin nga detyra të kreut të Prokurorisë së Sarandës, Kledian Llaho, i cili është nën hetim për korrupsion.
Sipas SPAK, Llaho ka kryer veprime që favorizuan vjehrrin e tij dhe ka zvarritur një çështje, duke mos zbatuar vendimin e gjykatës për hetime të reja.
Për këto akuzat, është marrë vendimi për ta pezulluar nga detyra dhe për të nisur hetimet ndaj tij.
Pas vendimit të GJKKO për pezullimin nga detyra, seanca e Këshillit të Lartë të Prokurorisë për Kledian Llahon përfundoi, ndërsa kërkesa e Inspektoratit të Lartë të Drejtësisë për heqjen e 40% të pagës u shty për vendimmarrje në datën 27 janar.
Llaho, i pranishëm në seancë, ka mohuar të gjitha akuzat dhe i ka hedhur poshtë ato.
