Dritan Rexhepi, i njohur si Gramos Rexhepi, pritet të ekstradohet sot në Shqipëri nga Turqia.
Ai njihet si një nga narkotrafikantët më të fuqishëm dhe akuzohet për transportimin e drogës nga Amerika e Jugut në Evropë.
Rexhepi dyshohet gjithashtu për vrasjen e dy policëve, Arben Keqi dhe Durim Kasmi, në Fushë-Krujë në vitin 1998, për të cilën është dënuar me 25 vite burgim në mungesë.
Ai u arratis nga policia në vitin 2007 dhe më pas u bë pjesë e një arratisjeje spektakolare nga burgu i Pavias në Itali.
Ekstradimi i tij është mundësuar falë bashkëpunimit ndërmjet Interpol Tiranës dhe autoriteteve turke.
Njoftimi:
Si rezultat i bashkëpunimit ndërmjet Interpol Tiranës dhe homologëve në Turqi, pritet që ditën e sotme, të ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi.
