Zbardhen detaje të reja lidhur me vrasjen e ndodhur pasditen e djeshme në Ndroq, ku u vra 50-vjeçari Alfred Dedja.
Autori i dyshuar, Julian Gjoshi, rezulton të jetë i njohur për policinë, pasi më parë është arrestuar për armëmbajtje pa leje.
Në janar të vitit 2021, Gjoshi u ndalua për mbajtje të paligjshme të armëve dhe drejtim mjeti në gjendje të dehur. Në makinë ndodhej edhe një person tjetër, Edvin Barçi, i njohur si “Boli”.
Përveç kësaj, Julian Gjoshi është kunati i Altin Hajrit, i shpallur në kërkim për vrasjen e Jan Prengës në kompleksin “Golden” në Shijak.
Ndërkohe, Hajri kishte kërkuar ndihmë nga ish-deputeti i PS-së, Jurgys Çyrbja, për të nxjerrë Gjoshin nga burgu pas arrestimit të tij për armëmbajtje pa leje.
Në bisedat e zhvilluara, Altin Hajri i kërkon ndihmë Çyrbjes për lirimin apo ndryshimin e masës së sigurisë për një nga të arrestuarit kundrejt ofrimit të shumave monetare, duke sugjeruar që të ndryshohet personi që mbante armën pa leje, si dhe dëmtimin e gjilpërës së armës së zjarrit, përpara kryerjes së ekspertimit nga policia
Ndër të tjera personi në kërkim, Altin Hajri, i shkruan Jurgis Çyrbjas:
se kanë kap kunatin tim me pistoletë… Mos bëjmë ndonjë gjë. Është kunati me gjithë atë bolin që rrinë aty ke unë. Paktën ta maj një dali një, shif ndonjë “arrest shpie”. Sa lek duan veç ta qisim. Me fol direkt, se duhen kap tani. Se mos bëjnë provën. Japim 10 mijë euro veç të na e prishi atë mrrokllën (Pistoletën)
po se marove ti s’kam kujt me i thënë, me veç prish gjilpërën. Kërkoje vëlla, sa lek të duan veç dua t’ia maroj se më mbytën kalamajtë daja…. Jepi 20 mijë euro sa duan ai, veç ta mbarojë…. Më 21 del në gjyq. Faleminderit dhe prej teje, të fala bëj Mikut tat Olsit…”.
Në një bisedë të datës 6 shkurt 2021, Altin Hajri i ka kërkuar ish-deputetit Jurgis Çyrbe të ndërhyjë për ndalimin nga policia e Durrësit të një miku të tij, i cili ishte kapur për mbajtje pa leje të armëve të ftohta.
…shif aman bëj ndonjë telefonatë, kanë ndaluar mbrëmë një kasap viçesh, po ka pas thikat në makinë budallai dhe e kanë mbajtur mbrëmë në DR…”-i shkruan Altin Hajri, Çyrbes.
