Feriz Bardhi, është 40- vjeçari që mbeti i pajetë ditën e djeshme në qytetin e Durrësit.
Bardhi u vra me breshëri plumbash para derës së shtëpisë. Ai ndërroi jetë në sallën e operacionit, pasi shkoi i plagosur në spital, por mjekët nuk arritën dot ta mbanin në jetë.
Dyshohet se Bardhin e kanë futur në kurth për ta vrarë. Disa persona e kanë thirrur që të dilte jashtë banesës ku ai jetonte, e sapo ka dalë ai është qëlluar 10 herë me breshëri plumbash.
Në momentin që 40-vjeçari ka dalë te porta e shtëpisë, sipas “Report tv”, ai ndodhej në banesë vetëm me nënën e tij. Gruaja dhe fëmijët mësohet se ishin me pushime. Në rrugën dhe zonën ku ndodhi vrasja nuk ka pasur asnjë kamer sigurie.
Në vitin 2012 Feriz Bardhi është arrestuar nga policia italiane në Ascoli. Së bashku me një shtetas tjetër shqiptar Arif Qelia, u kapën me 700 gramë kokainë të pastër.
Ata u akuzuan për trafik ndërkombëtar të kokainës, duke u cilësuar nga policia italiane si korrierë të drogës.
Viktima ishe babai i dy fëmijëve dhe se ishte nipi i ish-kryetarit të Komunës së Rrashbulli, Hysen Gashit. Feriz Bardhi njihej si një njeri problematik.
