Protesta e Partisë Demokratike në Tiranë vazhdon edhe pas disa orësh, me përplasje dhe tensione mes protestuesve dhe forcave të policisë. Policia ka filluar të hapë disa akse rrugore për të lehtësuar trafikun, pasi disa zona të qytetit ishin bllokuar nga protestuesit.
Në zonën e Zogut të Zi, policia ka mundur të hapë pjesërisht rrugën për të lejuar kalimin e automjeteve, duke u munduar të lehtësojë situatën e trafikut të rënduar.
Po ashtu, edhe te Bashkia e Tiranës, policia përdori autobotin me ujë për të shpërndarë protestuesit dhe ka arritur të hapë rrugën për qarkullimin e automjeteve. Rreth Rrugës së Elbasanit është mundësuar qarkullimi i pjesshëm, ndërsa “Sheshi Wilson” mbetet i bllokuar nga protestuesit.
Pavarësisht përpjekjeve për të lehtësuar qarkullimin, tensionet vazhdojnë, me thirrje nga ana e policisë për të lirosh rrugët.
Përplasje fizike janë regjistruar mes protestuesve dhe efektivëve të policisë, ndërkohë që eksponentë të PD-së janë kërkuar që të tërheqin protestën dhe të lejojnë kalimin e automjeteve.
