Një nga emrat më të njohur në Shqipëri gjatë viteve 1997-1999 ka qenë Lul Caka, ose i njohur ndryshe si “i frikshmi i Beratit”.
Mësohet se ditën e sotme, Caka është liruar nga burgu. Dënimi për të ka përfunduar dhe është larguar nga burgu i Fushë-Kosovës në Lushnje në orën 10:00 të paradites së sotme.
Caka i shpëtoi dënimit me burg të përjetshëm. Ai u ekstradua nga Italia në vitin 2003 dhe vuajti 16 vite burgim, të cilat u konvertuan në 25 vite.
Ai akuzohet për sulmin ndaj Gani Malushit dhe Ilir Ngresit, dy policëve të cilët shpëtuan dhe më pas u vranë në ngjarje të tjera. Njëri u ekzekutua nga miku i Lul Cakës , Kastriot Jaupaj dhe tjetri u vra në Durrës.
Lul Caka në vitin 1997 u bë tmerri i udhëtarëve në rrugët nacionale Berat-Fier dhe Berat–Lushnjë.
Ai madje një herë edhe është arratisur nga burgu duke sharruar hekurat e qelisë, për t’u hakmarrë ndaj personave që i vranë nënën.
Kjo e fundit u rrëmbye në derën e komisariatit të policisë në vitin 1999 dhe u gjet e masakruar në pyllin e Semanit.
Lulzim Caka pasi u betua për hakmarrje, u arratis nga burgu dhe në mes të fshatit Samaticë vrau dy nga autorët e vrasjes së nënës së tij Valter Bega dhe Mariglen Camin.
