Një situatë e rënduar është krijuar në qarkullimin e mjeteve në aksin rrugor Fushë Krujë-Sarisalltik.
Për shkak të motit të keq, erërave të forta dhe rreshjeve të shiut, një masiv gurësh e dherash kanë rrëshkitur dhe kanë bllokuar komplet rrugën.
Situata më e rënduar është në aksin që lidh Krujën me zonën turistike të Sarisalltikut, por rrëshqitje dheu ka pasur edhe në akse të tjera rrugore.
Në afërsi të Sarisalltikut janë shembur disa metër kub gurë e dhe në rrugë. Mësohet se nuk ka patur dëmtime në njerëz, pasi në ato momente nuk ka pasur lëvizje me mjete në rrugë.
Aksi vijon të jetë i pakalueshëm, ndërsa punonjës të Bashkisë së Krujës vijojnë prej orëve të para të mëngjesit punën për të hequr gurët e rënë.
