Një 15-vjeçar nga Postriba, A. Bibaj, i cili kishte humbur kontaktet me familjen për dy ditë, është gjetur nga policia në Tiranë.
Ai u gjet në zonën e Babrrusë, në gjendje të mirë shëndetësore.
15-vjeçari kishte shoqëruar vëllain në shkollë dhe më pas kishte humbur kontaktet, pa u kthyer në shtëpi.
Babai i tij, Agim Bibaj, denoncoi rastin në polici, duke u shqetësuar për sigurinë e djalit. Sipas dëshmive të shokëve të tij, djali ishte larguar nga shtëpia pas një përplasjeje verbale me babain, që i kishte kërkuar të sillej më mirë.
Pas angazhimit të policisë, 15-vjeçari u gjet dhe i është dorëzuar familjes. Ai do të merret në pyetje në praninë e psikologëve për të kuptuar arsyet e largimit të tij nga shtëpia dhe për t’u trajtuar për pasojat emocionale, për të kuptuar veprimin e tij dhe për të siguruar mbështetje psikologjike.
