Sot, një konflikt i çastit përfundoi me plagosjen e një 16-vjeçari, i cili u godit me thikë dhe me përforcues grushti nga një 21-vjeçar dhe dy persona të tjerë te paidentifikuar.
Ngjarja ndodhi pas largimit të 16-vjeçarit nga mësimi, ku tre të rinjtë i dolën përpara dhe u konfliktuan.
16-vjeçari u transportua menjëherë në spital, ku ndodhet jashtë rrezikut për jetën. Policia ka arrestuar dy persona agresorët, ndërsa një prej tyre R.L. është emër i njohur për policinë, pasi është përfshirë edhe herë të tjera në të tilla ngjarje.
Dëshmia e 16-vjeçarit të plagosur:
“Sa dola nga shkolla dhe do ikja në shtëpi. Më vijnë me makinë tre persona, të cilët po hidhnin fjalë fyese e më pas dy prej tyre dolën dhe më sulmuan. Ishte Rei që nxori thikën dhe unë u mundova të mbrohesha por arriti të më dëmtonte në fytyrë. Në atë moment, ata hipën në makinë dhe u larguan menjëherë kurse unë shkova në marketi afër shkollës dhe kërkova ndihmë.”
Dëshmitarë të tjerë të ngjarjes:
“Sapo kishte mbaruar mësimi, kur erdhi një nxënës që po mbante dorën në fytyrë por gjaku vazhdonte t’i rridhte. Na kërkoi kartopeceta dhe u ul tek trotuari. I dhamë ujë për ta qetësuar dhe brenda pak minutash ambulanca e mori. Një kalimtare e rastësishme kishte parë targën e makinës së autorëve dhe ja dha policisë. Dëgjuam nga nxënësit e tjerë që konflikti kishte ndodhur kot, pa asnjë motiv.”
