Gjermania shpall zgjedhje të parakohshme, data e caktuar për 23 shkurt
Gjermania do të shkojë në zgjedhje të parakohshme më 23 shkurt, pas arritjes së një marrëveshjeje të martën midis socialdemokratëve dhe konservatorëve të opozitës. Data e zgjedhjeve pritet të konfirmohet zyrtarisht nga presidenti Frank-Walter Steinmeier, një formalitet që nuk pritet të ketë pengesa.
Ky zhvillim pasoi shpërbërjen e qeverisë gjermane, kur kancelari Olaf Scholz shkarkoi ministrin e Financave, Christian Lindner, nga FDP, për shkak të një grindjeje të gjatë mbi menaxhimin e deficitit buxhetor. Ky shkarkim i dha fund koalicionit qeveritar dhe hapi rrugën për zgjedhje të parakohshme.
Scholz do t’i drejtohet parlamentit të mërkurën, ku pritet të shpallë datën për votëbesimin e qeverisë, një votë që koalicioni i tij pritet ta humbasë, duke i hapur rrugën procesit zgjedhor.
Votëbesimi mund të zhvillohet më 18 dhjetor.
