Autoritetet italiane sekuestruan rreth 400 mijë euro të fshehura në një automjet, të drejtuar nga një shtetas shqiptar me histori trafiku droge.
Paratë ishin fshehur në mënyrë të sofistikuar, në një fund fals të krijuar në tapicerinë e makinës dhe nën sediljen e shoferit.
Operacioni u realizua nga oficerët e grupit Gioia Tauro, të cilët po zhvillonin një aktivitet kontrolli ekonomik në territorin përkatës.
Me ndihmën e njësisë së qenve “cash dog”, ata vërejtën se tapiceria e sipërme pranë mbulesës së pasme ishte e manipuluar dhe aty u gjetën rreth 40 mijë euro.
Një kontroll më i thelluar, gjithashtu me ndihmën e qenëve, çoi në zbulimin e një shtrese të dyfishtë poshtë sediljes së shoferit, ku ishin fshehur 350 mijë euro të tjera në prerje të ndryshme.
Ky zbulim ka çuar në arrestimin e personit dhe sekuestrimin e shumës së madhe të parave, ndërkohë që hetimet vazhdojnë për të zbardhur burimin e tyre.
