Agjencia e Mbikëqyrjes Policore ka zbatuar masën “Arrest në burg” ndaj punonjësit të policisë me inicialet A.R., i cili dyshohet për shpërdorim detyre dhe për lidhje me aktivitete kriminale.
A.R. ka shërbyer si agjent në Seksionin për Hetimin e Krimeve në Komisariatin e Gjirokastrës dhe aktualisht ishte i emëruar në Komisariatin e Policisë Dibër.
Sipas hetimeve, të zhvilluara në bashkëpunim me Prokurorinë e Gjirokastrës, A.R. dyshohet për dekonspirimin e aksioneve policore, përfshirjen në trafik narkotikësh, ndihmë për kalim të paligjshëm të kufirit dhe kontrabandë të mallrave të tjera.
Hetimet po vazhdojnë për të identifikuar të tjerë zyrtarë të mundshëm të përfshirë në këtë rrjet kriminal.
