Në kuadër të operacionit policor të koduar “Fluturimi”, organizuar nga Komisariati i Policisë Rinas, autoritetet doganore dhe Sektori për Hetimin e Narkotikëve në DVP Tiranë, u arrestua një 21-vjeçar me inicialet B.T., banues në Luksemburg.
I riu u kap në flagrancë në Aeroportin Ndërkombëtar të Rinasit, pasi trafikoi nga Dubai drejt Tiranës një sasi prej 26.7 kilogramësh lëndë narkotike të dyshuar kanabis, të fshehur në bagazhet e tij.
Ky operacion u zhvillua pas informacioneve të siguruara nga inteligjenca policore, që sinjalizuan për trafikimin e lëndëve narkotike nga ky individ.
Policia dhe autoritetet doganore organizuan një kontroll të shtuar në aeroport, i cili rezultoi në sekuestrimin e sasisë së kanabisit dhe arrestimin e të dyshuarit.
Ndërkohë, vijon puna për identifikimin dhe kapjen e personave të tjerë të mundshëm të përfshirë në këtë rrjet kriminal.
Njoftimi:
Finalizohet operacioni policor i koduar “Fluturimi”, nga Komisariati i Policisë Rinas, autoritetet doganore të Rinasit dhe Sektori për Hetimin e Narkotikëve në DVP Tiranë.
Trafikoi nga Dubai në Tiranë, 26 kg e 700 gramë lëndë të dyshuar narkotike kanabis që e kishte fshehur në bagazhet e tij, kapet në Rinas dhe arrestohet në flagrancë 21-vjeçari.
