Ish-kryebashkiaku i Kukësit, Safet Gjici, ka kërkuar lirimin nga burgu duke ju drejtuar Gjykatës së Shkallës së Parë të Juridiksionit të Përgjithshëm në Elbasan. Sipas avokatit të tij,
Gjici ndodhet aktualisht në një spital privat për trajtim mjekësor dhe kërkesa e tij për t’u liruar për shkak të gjendjes së rënduar shëndetësore do të shqyrtohet sot, në orën 13:00, nga gjyqtarja Suela Lika.
Disa ditë më parë, seanca për shqyrtimin e çështjes u shty për shkak të mangësive të theksuara në dokumentacionin ligjor të paraqitur para gjykatës, si dhe paqartësive lidhur me adresën e spitalit ku po trajtohet Gjici. Po ashtu, në kërkesë, ish-kryebashkiaku i Kukësit nuk kishte shpjeguar arsyet pse kërkonte lirimin parakohe nga burgu.
Ishte avokati i tij i cili bëri të ditur të gjitha problemet e shëndetit të tij si edhe klinikën e spitalit privat ku ai po trajtohet.
