Një shpërthim ka ndodhur në orët e para të mëngjesit të sotëm në Elbasan.
Ku humbi jetën një 24-vjeçar teksa po montonte bombën në makinë, lënda eksplozive ka shpërthyer dhe i riu është dëmtuar dhe transportuar menjëherë në spital.
I riu, i cili është ende i paidentifikuar nga policia, dyshohet se mund të jetë pjesë e një grupi kriminal.
Makina ndaj të cilit ishte vendosur eksplozivi mësohet se i përkiste shtetasit Renato Çepa.
Njoftimi i Policisë:
Rreth orës 04:10, në lagjen “Shënkoll”, dyshohet se një shtetas rreth 24-vjeç, duke vendosur lëndë eksplozive në automjetin tip “Volkswagen”, në pronësi të shtetasit R. Ç., lënda eksplozive ka shpërthyer dhe për pasojë 24-vjeçari është dëmtuar dhe transportuar në spital. Si pasojë e plagëve të marra 24-vjeçari ka humbur jetën në spital.
Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e ngjarjes.
