Forca të shumta policia kanë rrethuar mëngjesin e sotëm Teatrin Kombëtar. Kjo ngjarje u paralajmërua që ditën e djeshme nga qytetarët protestues që kanë dalë kundër vendimit për prishjen e tij.
Njoftimi u bë në faqen zyrtare të Teatrit Kombëtar. Në fillim kanë shkuar forca të policisë private e më pas kanë ardhur efektivët e Policisë së Shtetit.
Dyshohet se sot do të nisë edhe shembja e godinës dhe se do të largohen edhe materialet të cilat ndodhen brenda Teatrit Komëtar.
E ndërkohë në një video të publikuar nga gazetarja e “News 24”, shihet aktori Neritan Liçaj i përlotur.
Policia gjithashtu ka larguar me forcë disa prej artistëve që protestonin aty, por edhe qytetarë dhe mes tyre ka pasur përplasje.
Të shumtë janë qytetarët që janë mbledhur të sheshi i Teatrit Kombëtar për të kundërshtuar prishjen e tij. Qytetarëve u janë bashkuar edhe studentë e pedagogë.
