Në qytetin e Lushnjes një 39 vjeçar është arrestuar pas një hetimi dy mujor nga policia me metoda proaktive. Shtetasi Elis Prifti, shiste doza kokaine në lagje të ndryshme të qytetit. 39 vjeçari siguronte lëndën narkotike të cilën e ndante në doza në banesën e tij dhe më pas e shiste. Gjatë kontrollit të policisë në shtëpinë e tij u gjetën sasi kokaine e ndarë në dhjetra doza, së bashku me 1 peshore elektronike dhe 1 celular të cilat u sekuestruan.
Sakaq, po punohet për identifikimin e personave të tjerë të cilët mund të jenë të përfshirë në këtë aktivitet.
Njoftimi i policisë:
‘Sektori për Hetimin e Narkotikëve i DVP Fier, si rezultat i një pune hetimore të kryer me metoda proaktive, në kuadër të megaoperacionit kombëtar “Tempulli”, për një rast të prodhimit dhe shitjes së lëndëve narkotike, finalizoi operacionin policor të koduar “Station”. Gjatë operacionit, u kap dhe u vu në pranga shtetasi Elis Prifti, 39 vjeç, banues në Lushnjë. Nga veprimet hetimore dyshohet se ky shtetas siguronte lëndë narkotike kokainë, e ndante në doza, në banesë, dhe më pas i shiste ato në lagje të ndryshme të Lushnjës. Gjatë kontrollit në banesën e tij, shërbimet e Policisë gjetën një sasi kokaine të ndarë në dhjetëra doza dhe 1 peshore elektronike, të cilat u sekuestruan në cilësinë e provës materiale, bashkë me 1 celular. Po punohet për të identifikuar dhe kapur shtetas të tjerë që mund të jenë përfshirë në këtë veprimtari kriminale.’
