Ramush Haradinaj, ditën e djeshme dha dorëheqjen nga posti i kryeministrit të Kosovës. Kjo ndodhi pasi ai është thirrur në Hagë nga Gjykata Speciale për dëshmuar si i dyshuar për krimet e luftës.
Me sy të përlotur kryeministri i Kosovës Ramush Haradinaj doli para mediave, ku shtoi se pavarësisht vendimit të tij ai do të marrë pjesë sërish në zgjedhjet e parakohshme parlamentare që do të zhvillohen.
Ai ka shtuar se sërish do i japë besimin e merituar popullit kosovar.
Por çfarë bëri Ramush Haradinaj pas konferencës? Ai është parë më i qetë pas emocioneve që ishte shfaqur në konferencën për media. Pas mbarimit të knferencës, ai është parë me disa qytetarë, ku edhe ka bërë foto me ta pas kërkesës së tyre.
Ai pritet që javën e ardhshme të paraqitet në Hagë ku do të intervistohet në lidhje me luftën e Kosovës.
