Një aksident i rëndë ka ndodhur mëngjesin e sotëm në afërsi të qendrës tregtare TEG. Si pasojë e këtij aksidenti ka humbur jetën i riu B. M., i cili ishte edhe drejtues i mjetit.
Makina e 31-vjeçarit, ka dalë nga rruga duke u përplasur me bordurën anësore. 31-vjeçari B.M., ka humbur jetën në vend, për shkak të përplasjes së fortë me bordurën.
Informacion paraprak
Në aksin rrugor Elbasan-Tiranë, në afërsi të TEG-ut, mjeti me drejtues shtetasin B. M.,31 vjeç ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes ka ndërruar jetë vetë drejtuesi i mjetit.
Grupi hetimor vijon punën për zbardhjen e rrethanave dhe shkakut të aksidentit.
