Pronari i një lokali nate është arrestuar mbrëmjen e djeshme në Tiranë, pasi lëndë narkotike janë gjetur në ambientet e biznesit të tij.
Falë operacionit “Befasia”, lënda narkotike kokainë u gjet nga qeni i policisë, e ndërsa pronari i lokalit u arrestua në flagrancë.
Shtetasi R. P., e kishte përshtatur ambientin e lokalit për tregtimin e lëndëve narkotike, kryesisht kokainë.
44-vjeçarit i janë sekuestruar disa aparate celularë që do të hetohen nga specialistët, por është sekuestruar edhe një sasi kokaine që ndodhej në ambientet e lokalit të natës.
Njoftimi i Policisë
Goditet një tjetër rast i tregtimit të drogave të forta në lokale nate, ndërsa në pranga ka rënë pronari i lokalit.
Në kuadër të operacionit “Befasia”, ku gjatë kontrollit është përdorur edhe qeni antidrogë, u arrestua në flagrancë pronari i një lokali që e kishte përshtatur atë për përdorim të lëndëve narkotike, ndërsa u sekuestrua lëndë narkotike Kokainë, aparate celualare.
Shërbimet e Komisraitit të Policisë Nr.2, në vijim të punës për parandalimin, evidentimin dhe goditjen e paligjshmërisë dhe pas informacioneve të marra në rrugë operative se në rrugën “Medar Shtylla” ndodhej një lokal ku dyshohej se persona të ndryshëm që frekuentonin ketë ambient përdornin lëndë narkotike Kokainë, kanë ndërhyrë menjëherë për kontroll në kushtet e flagrancës.
Nga kontrolli i kryer nga ana e punonjësve të policisë, në ambientet e ketij lokali u gjet dhe sekuestrua 1 qese me lënde narkotike e dyshuar Kokainë.
Po nga kontrolli i ushtruar në tavolinat e lokalit, në afërsi të një tavoline është gjetur dhe sekuestruar një qese tjetër me lëndë narkotike Kokainë dhe në një ambient tjetër të këtij lokali është gjetur dhe një fishek luftarak.
Në vendngjarje ka mbërritur grupi hetimor dhe Specialistët për Hetimin e Narkotikëve në DVP Tiranë.
Nga veprimet hetimore të kryera nga Specialistët për Hetimin e Narkotikëve në Drejtorinë Vendore të Policisë Tiranë, rezultoi se pronari i lokalit shtetasi R.P., kishte përshtatur lokalin për tregtim dhe përdorim të drogave të forta kryesisht Kokainë.
Në përfundim të veprimeve u bë arrestimi në flagrancë i shtetasit:
P., 44 vjeç, banues në Tiranë, për veprën penale “Prodhimi dhe shitja e lëndëve narkotike”, “Përshtatje e lokalit për përdorim droge” dhe “Prodhimi dhe mbajtja pa leje e municionit luftarak”.
Gjithashtu u proceduan në gjendje të lirë dy punonjës të lokalit për veprën penale “Moskallëzim krimi” dhe një shtetas tjetër, klienti i lokalit, për veprën penale ”Prodhimi dhe shitja e narkotikëve”.
Në cilësinë e provës materiale u sekuestruan 13.4 gramë kokainë , 4 aparate celulare dhe një fishek luftarak.
Materialet proceduriale do t’i kalojne Prokurorisë pranë Gjykates së Shkallës së Parë Tiranë, për veprime të mëtejshme hetimore.
