Pas deklarimit nga kryeministri Rama se ka një plan për krijimin e shtetit sovran të Urdhrit Bektashi në Tiranë vjen edhe reagimi i parë i ndërkombëtarëve. Zyra e Delegacionit të Bashkimit Europian në Tiranë është shprehur se nuk ka ndonjë koment në këtë fazë. Në reagim, thuhet se liria e mendimit, ndërgjegjes dhe fesë është e sanksionuar në nenin 10 të Kartës së BE-së për të drejtat themelore.
“Zyra e BE-së në vendin tonë deklaron se Bashkimi Europian mbështet tolerancën dhe dialogun ndër fetar, por se nuk ka kompetencë për të rregulluar çështjet fetare.”
Reagimi i Delegacionit të BE në Tirane mbi nismën e kryeministrit Rama: Nuk kemi komente në këtë fazë. Liria e mendimit, ndërgjegjes dhe fesë është e sanksionuar në nenin 10 të Kartës së BE-së për të drejtat themelore. Në përgjithësi, BE-ja mbështet tolerancën dhe dialogun ndër fetar. BE-ja nuk ka kompetencë për të rregulluar çështjet fetare.
