Një shqiptar është gjetur i pajetë në qelinë e tij, në burgun e Koridalos. Ende nuk është bërë i ditur identiteti i viktimës. Dihet vetëm se është 38 vjeç dhe se i ka dhënë fund jetës duke u vetëvarur brenda në qelinë e tij.
Ende nuk dihen rrethanat e kësaj ngjarjeje. Mediat greke raportojnë se shqiptari është gjetur pa jetë në qelinë e tij, mëngjesin e kësaj të premteje.
Kujtojmë këtu, se shumë shqiptarë kanë humbur jetën në burgun e “famshëm” grek të Koridalos. Ky i fundit është burg i sigurisë së lartë, ku shumë të burgosur vuajnë dënimet e tyre për krimet që kanë kryer në shtetin grek.
