Barcelona mori një fitore shumë të rëndësishme të dielën pasdite në transfertë ndaj Villarreal. Katalanasit triumfuan me rezultatin 1-5, por tre pikët dhe suksesi kaluan në plan të dytë, pas dëmtimit të rëndë që pësoi portieri Marc-Andre Ter Stegen, i cili la fushën përpara kohe. Këtë të hënë ka ardhur edhe diagnoza e dëmtimit të gjermanit, i cili do të mungojë për një kohë të gjatë. Klubi katalanas ka njoftuar këtë të hënë se portieri ka këputur plotësisht tendinën e gjurit të djathtë në ndeshjen kundër Villareal dhe do t’i nënshtrohet një operacioni. Nëse gjithçka shkon sipas parashikimeve, 32-vjeçari do mungojë për 7-8 muaj. Ter Stegen u dëmtua në fundin e pjesës së parë, teksa ishte duke kapur një top pas goditjes së këndit. Kontakti me tokën rezultoi fatal për portierin, i cili është i dyti këtë fillim sezoni që pëson këtë dëmtim të rëndë te Barcelona, pas mesfushorit të talentuar Bernal.
Gati për protestën e radhës/ Lorik Cana në krah të studentëve shqiptarë në Shkup: Gjuha nuk negociohet
Studentët shqiptarë në Shkup do të dalin sërish në protestë më 18 maj, për të kërkuar të drejtën që provimi...
