Kreu i KQZ, Ilirjan Celibashi u shpreh se nuk ka asnjë shqetësim për hetimin që po bën SPAK për dy tenderat që nga gushti i këtij viti, të cilat i ka fituar kompania Smartmatic për identifikimin dhe votimin elektronik. Tenderët për pajisjet e identifikimit biometrik dhe votimit e numërimit elektronik kapin vlerën e 21 milion dollarëve.
Kreu i KQZ, Ilirjan Celibashi thotë se nuk ndihet i shqetësuar për këtë hetim, ndërsa thekson se procesi është legjitim.
“Personalisht kam 0 shqetësim si për veten time, por edhe për këdo tjetër nga KQZ të angazhuar në këtë proces. Mendoj se nuk do të kishte dobi çfarëdo që të them unë, pasi në fund është dikush tjetër që jep vlerësimet edhe për këtë rast. Procesi ka të gjithë legjitimitetin në çdo pikëpamje”, thotë Celibashi.
Sa i takon votimit elektronik në zgjedhjet 2025, Celibashi thotë se është shumë vonë për t’u shtrirë në 6 qarqe.
“E pamundur në 6 qarqe, nuk ka më kohë. Votimi elektronik mund të bëhet vetëm në 1,2 ose 3 qarqe”, thotë Celibashi.
