Një grup që shpërndante kokainë, droga sintetike afër shkollave dhe lokaleve të natës është goditur nga policia e Tiranës.
Në prokurorinë e Tiranës janë referuar materialet për 2 procedime penale. Sipas raportimeve të policisë pas një hetimi disamujor janë siguruar prova ligjore për 28 shtetas.
Gjatë operacionit janë arrestuar shtetasit Vilson Tresa, Asllan Maqellara, Etgent Luzi, Kostandinos Deliu, Armand Haderllari, Blerim Biba, Ilir Tufa, Kevin Kolgegaj, Marios Saliaj, Damjan Hasani, Erblin Buci, Ervis Duro, Jurgen Xhafa, Aldo Grabovari, Gazmend Hoxha, Sajmir Gerbaj, Aleksander Kili, Orgest Beqo, Xhelo Ajasllari, Paolo Shyti, Ervin Rakipi, Erdi Kurti, dhe Adrian Ramushi. Në kuadër të fazës së parë e operacionit ‘Tempulli 4’ janë arrestuar 24 persona, 9 prej të cilëve janë të arrestuar më pare, ndërsa 15 janë arrestuar në fazën finale të operacionit, ndërkohë vijon puna për arrestimin e 4 personave të tjerë. Sipas raportimeve të policisë janë sekuestruar 1.8 kg kokainë,18 kg marijuanë
30 doza me drogë sintetike. Për zhvillimin e këtij operacioni Drejtori i policisë së Tiranës doli në një konferencë për median për të dhënë rezultatet e këtij operacioni.
