Çmimet e naftës në bursë, vazhdojnë rimëkëmbjen, pas një rënie që kishin pësuar kohët e fundit. Në nivelet aktuale, Brent është në rrugën për një rritje javore prej rreth 1.9% ndërsa ËTI është do të regjistrojë një fitim 2.5%. “Ndërprerjet e vazhdueshme të furnizimit në Libi dhe ndërprerjet më të mëdha se sa pritej në Gjirin e Meksikës për shkak të uraganit Francine, e mbajnë tregun e naftës të shtrënguar”, tha analisti i UBS, Giovanni Staunovo. Një dollar më i dobët ndihmoi gjithashtu në mbështetjen e çmimeve të naftës. Monedha ra në nivelin më të ulët të një jave të premten, duke i bërë mallrat e shprehura në dollarë më të lira për mbajtësit e monedhave të tjera. Prodhuesit e naftës vlerësuan dëmet dhe kryen kontrolle sigurie të enjten ndërsa përgatiteshin të rifillonin punën në Gjirin e Meksikës në SHBA. Të dhënat zyrtare treguan se gati 42% e prodhimit të naftës në rajon u mbyll që nga e enjtja. Gjithsesi nëse në botë merren mesa të detajuara rreth asaj se çfarë ndodh me çmimin e naftës, në Shqipëri vijojnë që të flejnë gjumë, ose të bëjnë një sy qorr. Edhe pse për disa javë me radhë, çmimi i naftës Brent ishte në nivele shumë të ulëta, diçka e tillë nuk u reflektua aspak në tregun shqiptar të hidrokarbureve, siç ka ndodhur rëndom edhe në situata të tjera të ngjashme. Në fakt, në Shqipëri, çuditërisht të gjithë zgjohen dhe nxitojnë që të ndryshojnë çmimin, kur ai i naftës në tregun botëror nis të rritet, ndërsa kur ndodh e kundërta, ulin sytë dhe flejnë gjum. Në situatën e kësaj të fundit, edhe Autoriteti i Konkurrencës (AK), ka bërë një sy qorr e një vesh shurdh, duke i dhënë krah kësaj padrejtësie të madhe dhe duke lejuar edhe këtë herë oligopol në treg. ‘Gazeta Reforma’ ka denoncuar vazhdimisht shkeljet e AK me në krye Denar Bibën. Përmendim këtu denoncimin për tarifat e kompanive celulare, denoncimin për rritjen e çmimeve të analizave dhe tamponëve në laboratorët privatë (duke lejuar po ashtu oligopol), apo rritjen e çmimit të miellit dhe bukës. Këtyre shkeljeve iu shtua edhe abuzimi me çmimin e naftës. Kjo nuk është hera e parë që çmimet e naftë në Bursë ulen ndjeshëm, ndërkohë që në Shqipëri nuk ndodh aspak diçka e tillë
