Një 64-vjeçar është arrestuar pasi akuzohet se ka ngacmuar seksualisht një të mitur. Arrestimi i tij është bërë pasi një 13-vjeçare tregoi se ishte ngacmuar nga i moshuari. Më pas, ajo është marrë në pyetje edhe në prani të prindërve dhe të psikologes. Por megjithatë ka dyshime se 64-vjeçari ka ngacmuar jo vetëm me fjalë 13-vjeçaren por ka kaluar edhe në kontakt fizik. Kjo pasi e mitura ka disa shenja në trup, ndaj edhe i është nënshtruar një kontrolli mjekësor për të cilin ende pritet përgjigjia.
Përndjekja nuk dihet se kur ka nisur, por 64-vjeçari përveçse fizikisht, i kishte dërguar edhe mesazhe të miturës në telefonin e gjyshit, të cilin e përdorte edhe 13-vjeçarja.
Ndërkohë, i moshuari njihet në zonë si njeri problematik.
NJOFTIMI I PLOTË:
Drejtoria Vendore e Policisë Korçë
Komisariati i Policisë Devoll ndaloi me iniciativë shtetasin Z. R., 64 vjeç, banues në fshatin Hoçisht, Devoll, pasi dyshohet se ka ngacmuar seksualisht një 13-vjeçare, deklarimet e së cilës u morën në prani të prindërve dhe të psikologes.
