Ish-ministri I Shëndetësisë, Ilir Beqaj u amnistua nga SPAK këtë të hënë mbi mega aferën e sterilizimit. Beqaj u akuzua nga Prokuroria e Posaçme vetëm për ‘shpërdorim detyre’. Çështja është hetuar nga prokurori Edvin Kondili, i cili me veprimin e ndërmarrë ka rrëzuar mitin e ‘SPAK’, duke vepruar me 2 standarde, pasi ndonëse Gjykata e Posaçme i kërkoi hetime më të thelluara për Beqajn, Kondili e ka mbyllur dosjen vetëm me “shpërdorim detyre” për ish-ministrin e Edi Ramës.
Ky nuk është rasti i vetëm prokurorit të preferuar të Rilindjes, të cilin donin ta emëronin si kreun e SPAK. Edvin Kondili u mbështet fort mazhoranca për t’u bërë kreu i SPAK-ut dhe humbi pasi vetë ambasadorja e SHBA-së dhe institucionet diplomatike mbajtën qëndrime të forta në mbështetje të Altin Dumanit për të penguar që Rilindja të zgjidhte vetë kreun e SPAK-ut dhe rivali i Dumanit për kreun e SPAK-ut ishte Edvin Kondili.
Aleanca për Mbrojtjen e Teatrit depozitoi në SPAK një kërkesë ku kërkohej përjashtimi i prokurorit Edvin Kondili nga dosja e Teatrit, pasi edne pas 4 viteve nga kallëzimi i parë dhe ende nuk u mor asnjë vendim nga ana e tij.
Një dosje e rëndësishme që ka pasur në dorë së fundi Kondili është dhe ajo për 613 kilogramë kokainë që u kapën në Maminas.
SPAK dënoi ish-Ministrin, Koka, Alqi Bllakon, shpalli në kërkim ish-numrin 2 të qeverisë Arben Ahmetajn, dhe drejtues të niveleve të larta për inceneratorët, ndërkohë që standarti i Kondilit është amnistia, gjë që e tregoi me akuzën ndaj Beqajt.
Po pse u amnistua Beqaj?
Kujtojmë deklaratat e kryeministrit Rama I cili shprehej se nuk ka hajdut 2 metra: “Ke parë ndonjëherë hajdut 2 metra ti? Ke parë të kapet ndonjë hajdut 2 metra? Nuk ka, ta harrosh”.
Pse ka frikë kryeministri, i cili firmos fap e fap, pa e parë atë që ka në tryezë, të cilit i hanë dhe dardha e mollë mbas shpinës… nga se? PSe thopshte kur u pyet nga gazetarët që Beqaj nuk është nën akuzë, ndërkohë që koha provoi që është I përfshirë kokë e këmbë tek Sterilizimi. Rama ka frikë nga krijimi I një stadarti dymetroshësh në qeli, duke marrë parasysh këtu edhe deklaratat e Beqajt që shprehej se do flasë nëse futet në burg.
