‘Krimi i organizuar ka kërcënuar familjen e një prokurori të SPAK.” Kjo është deklarata ‘bombë’ e kreut të Prokurorisë së Posaçme, Altin Dumani, këtë të premte. Dumani e dha këtë deklaratë gjatë takimit të parë të një nisme dialogu mes institucioneve dhe aktorëve të politikëbërjes, “IDM Morning Briefing”, e organizuar nga Instituti për Demokraci dhe Ndërmjetësim. Sipas gazetares Anila Hoxha, kreu i SPAK ka theksuar se krimi i organizuar ka kërcënuar familjen e një prej prokurorëve, por pa nxjerr emrin. Ai ka theksuar se kërcënimi nuk ka ardhur nga politika, por nga krimi i organizuar. Po ashtu ka theksuar se ata janë të përgatitur që t’i përballojnë këto situata.
“Krimi i organizuar ka kërcënuar familjen e një prokurori. Më shqetëson kërcënimi nga krimi i organizuar , jo kërcënimi nga politika. Ne kemi bërë llogari edhe që mos kthehemi, sepse kjo është detyra jonë të hetojmë. Prokurërët janë imunë, janë të gjithë të përgatitur që ti përballojnë këto situata, por në fund të fundit e kemi zgjedhur vetë këtë detyre,” tha Dumani.
