Ditën e sotme kanë nisur hetimet për shpërthimin e kaponinit në Lushnjë, nën pronësinë e deputetit socialist, Bujar Çela, ku humbën jetën babë e bir që punonin aty dhe 7 të tjerë u plagosën nga shpërthimi.
Mësohet se policia ka referuar në Prokurorinë e Fieri materialet për ngjarjen. Sipas informacioneve bëhet me dije se referimi është bërë për tre vepra penale, ndërtim i paligjshëm, pasi objekti ka devijuar nga leja, shkatërrim prone nga pakujdesia dhe shkelje të rregullave të mbrojtjes në punë.
Deri më tani nuk ka persona të marrë në hetim.
Ndërkohë kujtojmë se një ditë më parë kryetarja e bashkisë së Lushnjës, Eriselda Sefa tha për mediat se është përgatitur grupi i ekspertëve që të fillojnë verifikimin e të gjitha banesave dhe bizneseve të cilët janë dëmtuar nga shpërthimi.
